Ochranowske žiwjenjoběhi

„serbscy bratřa“. Serbski wšědny dźeń w Ochranowskich žiwjenjoběhach z 18. lětstotka. Zběrka žórłow a dokumentacija

Wobdźěłała Lubina Malinkowa

Prěnja strona žiwjenjoběha Agnes Sauer, kotraž zemrě 1783 w Niskej (Archiw Ochranowskeje wosady).
Prěnja strona žiwjenjoběha Agnes Sauer, kotraž zemrě 1783 w Niskej (Archiw Ochranowskeje wosady).

Awtobiografisce zapołožene žiwjenjoběhi Ochranowskeje bratrowskeje jednoty chowaja w sebi wulki pokład za serbske stawizniske slědźenja. W nich je wurězk wšědneho žiwjenja serbskeje ludnosće 18. lětstotka Hornjeje a Delnjeje Łužicy widźomny. Hač rozprawy wo kućikowych šulach a šłužbne lěta, wójnske dožiwjenja a chorosće, pućowanja čeledźe a rjemjeslniskich, rozprawy wo žiwjenju wojakow abo rozsud, jako misionar do dalokeho kraja hić – žiwjenjoběhi serbskich čłonow bratrowskeje wosady pokazuja wulku ličbu žiwjenskich naćiskow a pućow. Zdobom pokazuja na sylnu skutkownosć pietizma w serbskej Łužicy. Na tutym portalu spřistupnjeja so wuzwolene žiwjenjoběhi čłonow bratrowskeje jednoty, kotřiž su serbskeho pochada resp. so we wokolinje serbskeje diaspory pohibowachu. Ze swojej bohatosću na temy a hłosy rysuja šěroku panoramu Łužicy 18. lětstotka daloko wot wučenych diskursow a byrgarskeje kultury.

K eděrowanym žiwjenjoběham přińdźeće tule

Přewodne teksty:

Literatura

Galerija

Přednošk: Ochranow a Serbja (nahrawanje zjawneho přednoška, Budyšin 24.11.2022)